بادئ ذى بدء احب اقول انى بجد كنت مفتقده مدونتى جدا الفتره الى فاتت
تخيل كده لما تكون فاتح مدونتك وعايز تكتب وتتكلم ولكن كان فيه حاجه غلط فيها مش بيخليها تفتح اى بوست جديد
وساعتها طبعا كنت مضايقه جدا لانى مش عارفه اطلع الى جوايا وحسيت انى مخنوقه جدا
بس الموقف ده دفعنى للتفكير فى حاجه كانت غايبه عنى او كنت بتناساها
هى مدونتى هتخلينى ابعد عن حياتى الواقعيه ؟
هو ممكن بعد كده استغنى عن اصحابى واستبدلهم بالمدونه ؟
زمان لما بكون مضايقه كنت بكلم صحبيتى واحكيلها واسمع نصيحتها
لكن دلوقتى اول حاجه بعملها لما اكون مضايقه افتح مدونتى
فى الاول كنت بقنع نفسى ان المدونه ديه برضه زى ما اكون بكلم صاحبيتى انا بكتب بوست والزوار بيعلقوا
ـــــــــــــــــــــــــــــــــــــــــــــــــــــــــ
التصنيفات : غير مصنف |
